कैलाली । कैलालीमा एक बालिका बलात्कृत भएकी छन् । बाख्रा चराइरहेकी १५ वर्षीया बालिकालाई हिजो, २ वैशाख साँझ डरत्रास देखाई तीनजनाले बलात्कार गरेको कैलाली प्रहरीले जनाएको छ।
बालिका बलात्कार आरोपमा जोशीपुर गाउँपालिका-४, लालपुर वाणीका रामकुमार चौधरी (२९), सोही ठाउँका मंगल चौधरी (२२) र सुरेशकुमार चौधरी (३१) लाई घटनास्थलबाटै नियन्त्रणमा लिएको कैलाली प्रहरी प्रवक्ता डीएसपी दक्षकुमार बस्नेतले जानकारी दिए।
उनका अनुसार कैलाली जिल्ला अदालतबाट १५ दिनको म्याद थप गरी थप अनुसन्धान भइरहेको छ।
वि.सं.२०७७ वैशाख ३ बुधवार १८:०४ मा प्रकाशित