भद्रपुर । र्यापिड डाइग्नोस्टिक टेस्ट गर्दा झापामा एक युवकलाई पोजेटिभ देखिएको छ । झापा हल्दिबारी गाउँपालिका २ का एक युवकमा पोजेटिभ देखिएको प्रदेश १ का सामाजिक विकास मन्त्री जिवन घिमिरेले जानकारी दिए ।
होम क्वारेन्टाइनमा बसेका ती युवकको स्वास्थ्य शाखा हल्दिबारीको टोलीले बुधबार आरडिटी स्वास्थ्य परीक्षण गरेका थिए। स्वास्थ्यकर्मीको टोलीले आरडिटी किटले दुई पटकसम्म परीक्षण गर्दासमेत रिपोर्ट पोजेटिभ आएको बताइएको छ ।
युवक करिब एक महिनाअघि दुबईबाट फर्किएका हुन्। गाउँपालिकामा भारतसहित तेस्रो मुलुकबाट आएका ६१ जनाको आरडिटी परीक्षण गरिएको छ । त्यसमध्ये २१ जनाको स्वाब थप परीक्षणका लागि पठाइएको जनाइएको छ ।
वि.सं.२०७७ वैशाख ४ बिहीवार ०८:५४ मा प्रकाशित