काठमाडौं । स्वास्थय तथा जनसंख्या मन्त्रालयको स्वास्थ्य आपतकालिन कार्यसंचान केन्द्रले आरडीटी परीक्षण सम्वन्धी सूचना निकालेको छ । कोभिड १९ रोगको निदानका लागि विभिन्न व्यक्तिहरुको आरडिटी परीक्षण गराउन सूचना निकालेको हो ।
मन्त्रालयले चैत महिना भित्र विदेशबाट आएका सबै व्यक्तिको आरडिटी परीक्षण गर्न भनेको छ । यस्तै कोभिड पोजेटिभ बिरामी सम्पर्कमा आएका, लक्षण देखिएका र उनीहरुको सम्पर्कमा आएका सबै व्यक्तिको आरडिटी परीक्षण गराउनका लागि मन्त्रालयले अनुरोध गरेको छ ।
मन्त्रालले जारी गरेको सूचना अनुसार जो व्यक्ति १४ दिन भन्दा बढि क्वारेन्टाइनमा बसेका तथा कोभिड उपचार, निदान, नियन्त्रण अभियानमा खटिएका स्वास्थ्यकर्मी, सुरक्षाकर्मी सहित सबै व्यक्तिलाई परीक्षण गराउन अनुरोध गरेको छ ।
वि.सं.२०७७ वैशाख ४ बिहीवार १८:५७ मा प्रकाशित
