काठमाडौं । भारतमा पछिल्लो २४ घण्टामा एक हजार २५० जना कोरोना भाइरसका नयाँ बिरामी थपिएका छन् । थप ३८ जनाको मृत्यु भएको छ । वर्ल्डोमिटर्सको तथ्याङ्कअनुसार शनिबारको तुलनामा आइतबार भारतमा कोरोनाका नयाँ बिरामी कम देखिएका छन् ।
हालसम्म भारतमा कोरोना भाइरस संक्रमितको संख्या १७ हजार ६ सय १५ पुगेको छ भने ५ सय ५९ जनाले ज्यान गुमाइसकेका छन्।भारतमा २ हजार ८ सय ५४ जना कोरोनाका बिरामी उपचारपछि निको भई अस्पतालबाट घर फर्केका छन्।
अहिले भारतमा १४ हजार २ सय २ जना कोरोना भाइरसका बिरामी उपचारत छन्, जसमध्ये १३ जनाको स्वास्थ्य अवस्था गम्भीर रहेको छ । भारतमा पछिल्ला दैनिक एक हजारभन्दा बढी कोरोना भाइरसका नयाँ बिरामी थपिदै आएका छन्।
वि.सं.२०७७ वैशाख ८ सोमवार ०८:५४ मा प्रकाशित