काठमाडौं । लोक सेवा आयोगले विभिन्न सूचना प्रकाशित गरेको छ । आयोगले सिफारिस तथा सम्पर्क अधिकृत तोकिएको सम्वन्धी सूचना निकालेको हो ।
बुधवार गोरखापत्रमा सूचना जारी गर्दै आयोगले विभिन्न कार्यालयद्वारा स्थानीय तहका लागि प्रकाशित विज्ञापनहरुको सिफारिस सम्वन्धी सूचनाहरु आयोगको वेवसाइट तथा सम्वन्धित कार्यालयको सूचना पार्टी टाँस गरिएको तथा आयोगको सूचनापत्रमा प्रकाशित गरेको जनाएको छ ।
आयोगका जलेश्वर, काठमाडौं, पोखरा, बागलुङ र महेन्द्रनगर कार्यालयका विभिन्न स्थायनीय तहमा विभिन्न पद, सेवा तथा समूहमा सिफारिस गरेको सूचनामा उल्लेख छ ।
यस्तै आयोगको केन्द्रिय कार्यालयको सूचना तथा प्रकाशन शाखाले आयोगले सम्पर्क अधिकृत तोकिएको सम्बन्धी सूचना निकालेको हो ।सूचना अनुसार आयोगमा दर्ता गर्नुपर्ने बढुवा उजुरीका विषय, आयोगबाट प्राप्त गर्नुपर्ने कुनै प्रतिक्रिया वा जवाफ तथा अन्य प्रशासनिक कार्य सम्वन्धमा कुनै ताकेता गर्नुपर्ने, जानकारी लिनुपर्ने वा अन्य जिज्ञासा भएमा विभिन्न अधिकृतलाई सम्पर्क गर्न सकिने जनाएको छ ।
उक्त जानकारी लिनका लागि ३ जना अधिकृत तोकेको छ । जसमध्ये उपसचिव तथा सूचना अधिकारी देवीप्रसाद सुवेदी (९८५८७७७७७७), उपसचिव (कानुन)९८५११२९४३२, शाखा अधिकृत (प्रशासन) हरिप्रसाद भुसाल ९८४१२८२०५९ रहनुभएको छ । आयोगले लकडाउनको समयमा समेत सामान्य प्रशासनिक कार्यहरु गर्दै आएको छ ।
हेर्नुहोस् सूचना :
वि.सं.२०७७ वैशाख १० बुधवार ०८:५९ मा प्रकाशित