काठमाडौं । सरकारले तेस्रो पटक थपेको ’लकडाउन’को अवधि सोमबार सकिँदैछ । यसबारेमा शुक्रबारको मन्त्रिपरिषद्को बैठकले निर्णय गर्ने अनुमान थियो ।
तर लकडाउनको बारेमा शुक्रबारको बैठकमा खास छलफल नभएको उर्जा जलस्रोत तथा सिँचाइमन्त्री वर्षमान पुनले जानकारी दिनुभयो । लकडाउन थप्ने कि खुला गर्ने भन्ने विषयमा शनिबार या आइतबार बस्ने अर्को बैठकले निर्णय गर्ने उहाँले बताउनुभयो ।
केही ठाउँमा कोरोनाको जोखिम कम देखिएकाले खुकुलो पार्ने र संक्रमण देखिएका र जोखिम रहेका ठाउँमा थप कडाइ गर्ने सरकारको तयारी रहेको छ ।
वि.सं.२०७७ वैशाख १२ शुक्रवार १३:१७ मा प्रकाशित