काठमाडौं । मन्त्रिपरिषद्को सिफारिसमा राष्ट्रपति विद्यादेवी भण्डारीले सोमबार जारी गरेको दुवै अध्यादेश शुक्रबार खारेज गर्नुभएको छ ।
राष्ट्रपति कार्यालयले संवैधानिक परिषद् (काम, कर्तव्य, अधिकार र कार्यविधि) सम्बन्धी पहिलो संशोधन अध्यादेश, २०७७ र राजनीतिक दलसम्बन्धी दोस्रो संशोधन अध्यादेश, २०७७ खारेज गरेको जनाएको छ ।
गत सोमबारको मन्त्रिपरिषद् बैठकले अकस्मात् ती दुई अध्यादेश जारी गरेपछि विपक्षी दल र सत्तारुढ नेकपाभित्र पनि विरोध भएको थियो । सर्वत्र विरोध भएपछि शुक्रबार बसेको मन्त्रिपरिषदको बैठकले अध्यादेश फिर्ता लिने निर्णय गरेको थियो ।
वि.सं.२०७७ वैशाख १२ शुक्रवार १५:३१ मा प्रकाशित