काठमाडौं । कोरोना भाइरसको संक्रमण भई उपचाररत थप चार जना निको भएर अस्पतालबाट डिस्चार्ज भएका छन् । स्वास्थ्य तथा जनसंख्या मन्त्रालयका अनुसार, नारायणी अस्पताल वीरगन्जमा उपचाररत चार जना संक्रमित आइतबार घर फर्किएका हुन्।
रौतहटका १९ वर्षीय एक युवक र तीन भारतीय निको भएका हुन्। रौतहटका युवक १२औं दिनमा र अन्य तीन जना १५औं दिनको उपचारपछि घर फर्किएका हुन् ।
देशभर हालसम्म ५१ जना संक्रमित भएकोमा अब ३५ जनाको विभिन्न अस्पतालमा उपचार भइरहेको छ । योसँगै नेपालमा कोरोनाभाइरसको संक्रमण निको हुनेको संख्या १६ पुगेको छ।
वि.सं.२०७७ वैशाख १४ आइतवार १७:२५ मा प्रकाशित
