अनलाइनबाटै विद्यालय तहको नतिजा प्रकाशन सुरु

काठमाडौं । निजी स्कुल सञ्चालकले गत चैतमा सञ्चलन गरेको विद्यालय तहको परीक्षाको नतिजा अनलाइनबाट प्रकाशन सुरु गरेका छन् ।

कोरोना भाइरसको संक्रमण त्रासका कारण गरिएको मुलुकव्यापी लकडाउनले विद्यालय खुल्न नसकेपछि अनलाइनबाटै नतिजा प्रकाशन सुरु गरिएको उनीहरुले जनाएका छन् ।

कक्षा एकदेखि ९ सम्मको परीक्षा चैत पहिलो साता सम्पन्न भएको थियो । परीक्षा सम्पन्न भएर उत्तरपुस्तिका परीक्षण तथा नतिजा प्रकाशनको तयारी गर्दैगर्दा सरकारले चैत ११ गतेबाट मुलुकभर लकडाउन गरेपछि काम रोकिएको थियो ।

लकडाउनको अवधिमा घरैमा बसेर उत्तरपुस्तिका परीक्षणलगायतका अन्य प्राविधिक काम गरेपनि नतिजा प्रकाशन गरिएको लिटिल एन्जल्स स्कुलका प्राचार्य मुकुन्द शर्माले बताए । उनले भने, ’लकडाउनको अवधिमा पनि सम्पन्न गर्न सक्ने जति काम गरेका छौं । विद्यार्थी र अभिभावकसँग सम्पर्क पनि भइरहेको छ ।’

नतिजा प्रकाशन गरेर सम्बन्धित विद्यालयले विद्यार्थीको विवरण वेभसाइटमा राखेका छन् । साथै उनीहरुले अभिभावकलाई एसएमएस तथा टेलिफोनबाट नतिजाबारे जानकारी गराएका छन् । अधिकांश विद्यालयले नतिजा प्रकाशन गरिसकेका छन् ।

नतिजा प्रकाशनसँगै केही विद्यालयले भने अनलाइनबाट पठनपाठनको तयारी गरिरहेका छन् । केहीले भने सुरु गरिसकेको नीजि विद्यालय सञ्चालकको संस्था प्याब्सनले जनाएको छ ।

२०७७ वैशाख १६ गते १०:५२ मा प्रकाशित

You can share this post!

जलाउन चितामा राखेको शव एक्कासी बाढीले बगाएपछि...

जलाउन चितामा राखेको शव एक्कासी बाढीले बगाएपछि...

Related posts