काठमाडौं । कोरोनाको जोखिम बढिरहेका बेला स्थानीय सरकारले आफूखुसी नियम बनाउन थालेका छन । काठमाडौंको चन्द्रागिरि नगरपालिकाले घर भाडामा बसेकाको अनिवार्य कोरोना परीक्षण गर्नुपर्ने नियम ल्याएको छ ।
चन्द्रागिरि नगरपालिका वडा नम्बर १५ ले आफ्नो क्षेत्रभित्रका घर बहालमा बसेका र हालै मात्र उपत्यकामा छिरेका सबैको कोरोना परीक्षण गर्नुपर्ने नियम लागू गरेको हो ।
बुधबार एक सूचना जारी गर्दै वडा कार्यालयले कोरोनार्को यापिड डाइग्नोस्टिक टेस्ट गराउनुपर्ने भनेको छ । ‘घर बहालमा बसेका र बाहिरबाट हालै उपत्यकामा आएकाहरुको टेकु अस्पतालमा अनिवार्य आरडीटी परीक्षण गराएर रिर्पोट नेगेटिभ आएपछि मात्रै घरमा प्रवेश गराउनुहोला’, सूचनामा भनिएको छ, ‘आरडीटी परीक्षणको जानकारी अनिवार्यरुपमा वडा कार्यालयमा गराउनु होला । यदि जानकारी नगराएमा घरधनीलाई कारवाही गरिनेछ।’
सूचना हेर्नुहोस् :
वि.सं.२०७७ वैशाख २५ बिहीवार १७:२८ मा प्रकाशित