नेपालले आफ्नो भूभाग एक इन्च पनि छोड्दैन : परराष्ट्रमन्त्री ज्ञवाली

काठमाडौं । परराष्ट्रमन्त्री प्रदिप ज्ञवालीले लिपुलेक विवादबारे भारतसँग वार्ता हुने बताउनुभएको छ । भारतले नेपाली भूमि लिपुलेक हुँदै तिब्बतको र्कलाश मान सरोवर जाड्ने सडक निर्णय भएपछि अहिले सवत्र त्यसको विरोध भइरहेको छ ।

आइतबारको संसद बैठकमा पनि विभिन्न राजनीतिक दलका सांसदहरुले त्यसबारे प्रश्न उठाएका छन् । मन्त्री ज्ञवालीले सांसदहरुको प्रश्नपछि जवाफ दिँदै त्यसबारे भारतसँग वार्ता हुने प्रतिवद्धता जनाउनुभएको हो । ‘लिपुलकेमा अहिले जे भइरहेको छ, त्यसप्रति नेपाल सरकारले आपत्ति जनाइसकेको छ’ उहाँले भन्नुभयो, ‘हामीले त्यसको विरोध गरेपछि हिजो शनिबार भारतका पराष्ट्रमन्त्रीले पनि यसबारे कोरोना भाइरस महामारीपछि छलफल गरौँला भन्नुभएको छ । कोरोनाको स्थिति सहज भएपछि भारतसँग वार्ता हुन्छ ।’

मन्त्री ज्ञवालीले लिपुलेक विवाद समाधान गर्न सरकारले यसअघि नै प्रयास गरिहेको तर कोरोना भाइरस संक्रमणको कारण रोकिएको बताउनुभयो । ‘लिपुलेकसहितको केही नेपाली भूभागलाई भारतले आफ्नो भनेर नक्शामा सार्वजनिक भएपछि सरकारले त्यो विवाद समाधान गर्ने प्रयास गरिरहेको थियो’ उहाँले भन्नुभयो, तर त्यसको लागि दुई देशबीच छलफल गर्ने तयारी भइरहेका बेला कोरोनाको कारण रोकियो । अब कोरोनाको स्थिति सामान्य भएपछि फेरि त्यसबारे छलफल हुनेछ ।’

मन्त्री ज्ञवालीले भूभाग एकीन नहुँदा नेपालको नक्शा सार्वजनिक भएको जानकारी दिनुभयो । ‘नेपालले आफ्नो भूभाग एक इन्च पनि छोड्दैन’ उहाँले भन्नुभयो, ‘आफ्नो भूभाग अरुलाई दिने कुरो आउँदैन, अरुको लिने पनि हुँदैन ।

दुई देशको भूभाग एकीन नहुँदा नक्शा सार्वजनिक गर्न ढिलाइ भएको हो । कोरोना स्थिति सहज भएपछि हुने दुई देशबीचको छलफलपछि भूभाग एकीन हुनेछ । र नक्शा पनि त्यसपछि सार्वजनिक हुनेछ ।’

२०७७ वैशाख २८ गते १२:२५ मा प्रकाशित

You can share this post!

कोरोना कहर : दिल्ली सरकार अन्तर्गतका कर्मचारीका लागि अर्को निर्णय !

कोरोना कहर : दिल्ली सरकार अन्तर्गतका कर्मचारीका लागि अर्को निर्णय !

Related posts