काठमाडौं । कर्णाली प्रदेश सरकारले सबै नाका अनिश्चित कालका लागि ‘सिल’ गरेको छ । कोरोना भाइरसको जोखिम बढे पछि कर्णाली प्रदेश प्रवेश गर्ने नाका अनिश्चितकालका लागि गरिएको हो ।
प्रदेश ५ मा कोरोना संक्रमितको संख्या बढ्दै गएपछि सोमबार बसेको प्रदेश विपद् व्यवस्थापन समितिको बैठकले कर्णाली प्रदेशमा आवतजावत अनिश्चिकालका लागि बन्द गर्ने निर्णय गरेको सामाजिक विकासमन्त्री दल बहादुर रावलले जानकारी दिए ।
प्रदेश ५ मा अहिलेसम्म ४९ जनामा कोरोना संक्रमण पुष्टि भइसकेको छ । अहिलेसम्म बाँकेमा २७, कपिलबस्तुमा १६ र रुपन्देहीमा ६ जनामा कोरोना पुष्टि भइसकेको छ ।
खाद्यान्नसहित अत्यावश्क वस्तुका गाडीलाई भने निगरानीमा राखेर प्रवेश गर्न दिइने छ। सीमा जोडिएको प्रदेश ५ को कपिलबस्तु, रुपन्देही, बाँके लगायतका जिल्लामा कोरोना संक्रमितको संख्या बढ्दै गएपछि आफ्नो प्रदेशमा पनि जोखिम बढेको निष्कर्षमा कर्णाली प्रदेश सरकार पुगेको छ।
वि.सं.२०७७ वैशाख ३० मंगलवार ०९:२५ मा प्रकाशित
