back
NMB ad

टेलिकमको आम्दानी : ९ महिनामा २६ अर्ब ८३ करोड, यस्तो छ वित्तीय विवरण

Kumari bank ad

काठमाडौं । चालु आर्थिक वर्षको तेस्रो त्रैमासिकमा नेपाल टेलिकमको आम्दानी घटेको छ । गएको आर्थिक वर्षको पहिलो ९ महिनाको तुलनामा यो आर्थिक वर्षको ९ महिनाको आम्दानी ६७ करोड रुपैयाँभन्दा धेरैले घटेको छ ।

टेलिकमले ९ महिनामा २६ अर्ब ८३ करोड ६६ लाख ४५ हजार आम्दानी गरेको छ । गएको वर्षको यही अवधिमा २७ अर्ब ५० करोड ६० लाख रुपैयाँ आम्दानी गरेको थियो ।

टेलिकमले २०७५ चैत्र १ देखि कम्पनीले रिचार्ज कार्डको बिक्रीमा कमिसनको सट्टा छुट गणना सुरु गर्दा आम्दानी घटेको जनाएको छ । गणना गर्न सुरु गरेको र कमिसन कुल बिक्रीलाई हिसाब गरिसकेपछि प्रदान गरिने तर छुट बिक्रीअघि प्रदान गरिने हुँदा छुटको कारणले पनि सेवाबापतको आय घटेको टेलिकमको दाबी छ ।

चालु आवको तेस्रो त्रैमासिकसम्म यो छुट रकम कुल ८५ करोड ३३ लाख ४४ हजार रहेको छ । यसरी चालु आवको तेस्रो त्रैमासिकसम्मको कुल आयमा छुट पनि सम्मिलित गर्दा कुल आय गत आवको त्यही अवधिको तुलनामा झण्डै १८ करोडले धेरै हुने टेलिकमको दाबी छ ।

त्यसको अतिरिक्त कोरोना भाइरसको महामारी नियन्त्रणको लागि चैत्र ११ देखि घोषणा गरिएको लकडाउनको कारणले चैत्र महिनाको राजस्वमा नकारात्मक असर परेको पनि टेलिकमले जनाएको छ ।

लकडाउनको अवधिमा चैत्र २०७६ भित्र कम्पनीले टपअपमा प्रदान गरेको शतप्रतिशत बोनस रकम ५३ करोड चार लाख रुपैयाँ बराबरको छ । त्यही अवधिमा शून्य ब्यालेन्स भएका मोबाइल प्रयोगकर्ताहरूलाई पाँच करोड ३३ लाख रुपैयाँ बराबरको शून्य ब्यालेन्स प्याकेज प्रदान गरिएको छ ।

त्यसैगरी मोबाइल सेवाको आधारभूत दरमा २७ देखि ३० प्रतिशतसम्म छुट प्रदान गरिएको छ, त्यो आठ करोड दुई लाख रुपैयाँ बराबरको हुन्छ ।

यसरी लकडाउनको कारण कम्पनीको आयमा कुल ६६ करोड ९९ करोड रुपैयाँ बराबरको नकारात्मक असर परेको हो । यसबाहेक कम्पनीले कोरोना राहत कोषमा १० करोड योगदान गरेको टेलिकमले जनाएको छ ।

प्रत्यक्ष असरका अतिरिक्त समीक्षा अवधिमा विदेशी विनिमय दर (अमेरिकी डलरलगायत) मा भएको वृद्धि तथा बाह्य स्रोतबाट प्राप्त जनशक्तिको न्यूनतम ज्यालादरमा भएको वृद्धि, फोरजी विस्तारसँगै घर भाडा, बिजुली आदिको खर्चमा भएको वृद्धि, नेटवर्क तथा सेवा विस्तारको क्रममा टिम परिचालनको लागि लाग्ने खर्च वृद्धि आदिको कारण पनि व्ययभार बढ्न गइ मुनाफामा असर परेको टेलिकमले जनाएको छ ।

वि.सं.२०७७ वैशाख ३० मंगलवार १४:०५ मा प्रकाशित

You can share this post!

अवैध आयात र दक्ष जनशक्ति अभावले सङ्कटमा बेकरी उद्योग   

अवैध आयात र दक्ष जनशक्ति अभावले सङ्कटमा बेकरी उद्योग   

वि.सं.२०८० चैत १६ शुक्रवार १६:०८

बनियानी (झापा), १६ चैत : भारतबाट हुने अवैध आयात र...

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

वि.सं.२०८० चैत १६ शुक्रवार १६:०४

काठमाडौँ, १६ फागुन : उद्योग, वाणिज्य तथा आपूर्तिमन्त्री दामोदर भण्डारीले...

जथाभावी फोहर फाल्नेबाट महानगरले उठायो २७ लाख जरिवाना 

जथाभावी फोहर फाल्नेबाट महानगरले उठायो २७ लाख जरिवाना 

वि.सं.२०८० चैत १६ शुक्रवार १५:५९

वीरगञ्ज (पर्सा), १६ चैत : वीरगञ्ज महानगरपालिकाले चालु आर्थिक वर्ष...

नेपालले २२३ रनको चुनौती पायो   

नेपालले २२३ रनको चुनौती पायो   

वि.सं.२०८० चैत १६ शुक्रवार १५:४८

काठमाडौँ, १६ चैत : आयरल्यान्ड ‘ए’ टोलिले ट्वान्टी–२० शृङ्खलाको पहिलो...

सात सयभन्दा बढी बैंकिङ कसुरका निवेदन   

सात सयभन्दा बढी बैंकिङ कसुरका निवेदन   

वि.सं.२०८० चैत १६ शुक्रवार १५:०८

चितवन, १६ चैत : जिल्ला प्रहरी कार्यालय चितवनमा चालु आर्थिक...

सहकारीमा गरेको बचत सुनिश्चित गर्न माग   

सहकारीमा गरेको बचत सुनिश्चित गर्न माग   

वि.सं.२०८० चैत १६ शुक्रवार १४:५८

चितवन, १६ चैत : चितवनका सहकारी संस्था समस्याग्रस्त बन्दै गएपछि...