काठमाडौं । सरकारले जापान र हङकङबाट छुट्टीमा नेपाल आएकालाई जान अनुमति दिने निर्णय गरेको छ । शुक्रबार बसेको उच्चस्तरीय समन्वय समितिको अनौपचारिक बैठकले त्यहाँको भिसा भएकाहरूलाई जानको लागि अनुमति दिने निर्णय गरेको हो।
‘जापान र हङकङको भिसा भएका र यहाँ आएकालाई जान अनुमति दिने निर्णय गरियो’, बैठकमा सहभागी एक मन्त्रीले भने,‘यसको कसरी व्यवस्थित गर्ने यसबारे पनि छलफल गरिने छ।’
यसका साथै, आज विशेषज्ञहरूसँग छलफल गरिएको छ। विशेषज्ञहरूले दिएका विभिन्न सुझावको आधारमा भोलि फेरि बैठक बस्ने र भोलि फेरि लकडाउनलाई कसरी कडाइ गर्नेबारे थप छलफल हुने ती मन्त्रीले बताए।
सोही सुझाव मन्त्रिपरिषद् बैठकमा पेश हुन्छ । सरकारले जारी गरेको लकडाउन जेठ ५ गते सकिँदै छ ।
वि.सं.२०७७ जेठ २ शुक्रवार १३:५७ मा प्रकाशित
