काठमाडौं । काठमाडौ जिल्ला प्रशासनले सवारी पास नचाहिने क्षेत्रको सूची सार्वजनिक गरेको छ । प्रशासनले एक सूचना जारी गर्दै उक्त क्षेत्रको सूची निकालेको हो ।
सूचना अनुसार एम्वुलेन्स, शव बाहन, औषधी तथा स्वास्थ्य सामग्रीहरु, सबै प्रकारका औधोगिक कच्चा पदार्थ र तयारी मालवस्तु, पेट्रोलियम पदार्थ, ग्यास, सबै प्रकारका खाद्य बस्तु,पशुपक्षीजन्य आहारा, खसी बोका, राँगा, कुखुरा, माछा, तरकारी, फलफुल, निर्माण सामग्रीहरु बोकेका सवारी साधनहरु सवारी पास विना परिवनहन हुने छ ।
यस्तै, सवारी पास बिना माथि उल्लेखित भए बाहेकका सवारी साधनहरुलाई र पैदल यात्रुलाई काठमाडौं प्रवेश निषेध गरिएको प्रशासनले जारी गरेको सूचनामा उल्लेख छ ।
प्रशासनले यस अघि विभिन्न मितिमा जारी गरेको सम्पूर्ण सवारी पास, इ–पास र पहेँलो रङकोसमेत खारेज गरेको जनाएको छ । आजदेखि निलो रङको सवारी पास जारी गरेको कार्यालयले जनाएको छ । यस्तै निर्माण सामाग्री बोकेक गह्रौँ सवारी साधन बेलुकी ८ बजेदेखि विहान ६ बजे भित्र मात्र संचालन गर्न पाउने सूचनामा उल्लेख छ ।
हेर्नुहो्स सूचना :
वि.सं.२०७७ जेठ २ शुक्रवार १८:०० मा प्रकाशित