काठमाडौं । नेकपाका महासचिव विष्णु पौडेलले स्पष्ट उद्धेश्य, लक्ष्य कार्यान्वयनको कार्ययोजना र परिणाम प्राप्त गर्ने अठोटका साथ सरकारले नीति तथा कार्यक्रम ल्याएको बताउनुभएको छ ।
नीति तथा कार्यक्रममाथि सोमबार प्रतिनिधिसभाकाको बैठकमा बोल्दै महासचिव पौडेलले त्यस्तो बताउनुभएको हो । ‘यो नीति तथा कार्यक्रम निर्वाचनका बेलमा ५ बर्षका लागि जनता समक्ष गरिएको प्रतिवद्धताको चरणवद्ध कार्यान्वयनको संकल्प बोकेर आएको छ ।
आगामी आर्थिक बर्षमा के के गर्ने भन्ने प्रतिवद्धता सहितआएको छ’ पौडेलले भन्नुभयो,‘सदनमा सपनाको प्रसंग उठको छ । सपनादेखि तस्विर बनाउन सकिन्न । सपना सम्मपनि देख्न नसक्नेले विकास, निर्माण वा समृद्धिको अभियानलाई नेतृत्व गर्न सक्तैन ।
त्यसर्थ, नेतृत्व स्वप्नदर्शी हुनैपर्छ । हो, सपना कार्यान्वयन गर्न सकिने नै हुनुपर्दछ । सरकारको नीति तथा कार्यक्रम कोविड– १९ ले सिर्जना गरेको चुनौतीको सामना गर्ने र समृद्ध नेपाल, सुखी नेपालीको राष्ट्रिय आकाँक्षा पुरागर्ने सपना र संकल्पका साथआएको छ ।
नीति तथा कार्यक्रमले आधारहिन सपना बाँडेको छैन, बरु यो स्पष्ट उद्देश्य, लक्ष्य, कार्यान्वयनको कार्ययोजना र परिणाम प्राप्तगर्ने अठोटका साथ आएको छ ।’
वि.सं.२०७७ जेठ ५ सोमवार १५:०६ मा प्रकाशित