काठमाडौं । नेपालमा बुधबार ३२ जना कोरोना भाइरस संक्रमित थपिएका छन । स्वास्थ्य मन्त्रालयले दिउँसोको नियमित प्रेस ब्रिफिङमा २५ संक्रमित थपिएको जानकारी दिएको थियो भने साँझ थप ७ जनामा संक्रमण देखिएपछि बुधबार देशभर कुल ३२ संक्रमित थपिएका हुन् ।
साँझ थपिएका संक्रमितको प्रदेश १ स्थित प्रयोगशाला र बिपी कोइराला स्वास्थ्य विज्ञान प्रतिष्ठानमा परीक्षण पुष्टि भएको हो । उनीहरू झापाका ५ जना, धनकुटा र धरानका १–१ जना भएको प्रदेश १ मुख्यमन्त्री कार्यालयले जनाएको छ ।
दिउँसो मन्त्रालयले जानकारी दिएका संक्रमितहरू कपिलवस्तुका १३, बाँकेका ६, धनकुटाका ५ र नवलपरासी पश्चिमका एक जना हुन्।धनकुटाका ५ जनामा भने मंगलबार साँझ नै संक्रमण पुष्टि भएको थियो। त्यसैको औपचारिक जानकारी मन्त्रालयले बुधबार गराएको हो।
योसँगै नेपालमा संक्रमित संख्या ४ सय ३४ पुगेको छ । जसमा दुई जनाको मृत्यु भएको छ भने ४५ जना निको भएका छन् ।
वि.सं.२०७७ जेठ ८ बिहीवार ०७:३३ मा प्रकाशित