काठमाडौं । नेपालमा कोरोना संक्रमितको संख्या चार सय ४४ पुगेको छ । बिहीबार बिहान थप १७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
वि.पी. कोइराला स्वास्थ्य विज्ञान प्रतिष्ठान, धरान र प्रादेशिक जनस्वास्थ्य अस्पतालमा गरिएको परीक्षणबाट झापा जिल्लाको कचनकवल गाउँपालिका निवासी १८ देखि ४६ वर्षका १५ जना पुरुषमा कोरोना संक्रमण पुष्टि भएको हो।
यस्तै थपिएका संक्रमितमध्ये धनकुटाका ३४ वार्यीय एक जना पुरुष र सुनसरीको धरान उपमहानगरपालिका निवासी ५१ वर्षीया महिला रहेको स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले जारी गरेको विज्ञप्तिमा उल्लेख छ ।
मन्त्रालयले जनाए अनुसार संक्रमितको स्वास्थ्य अवस्था सामान्य रहेको छ भने, उनीहरु स्वास्थ्यकर्मीको निगरानीमा छन् ।
वि.सं.२०७७ जेठ ८ बिहीवार ०८:०० मा प्रकाशित
