काठमाडौं । कपिलवस्तुको महाराजगञ्ज नगरपालिका – २ उनवलियाकी एक किशोरीमाथि शिक्षकले बलात्कार गरेको आरोप लगाइएको छ।
नेपाल राष्ट्रिय आधारभूत प्राथमिक विद्यालयका शिक्षक गोरखनाथ लोहारले गए राति किशोरीलाई जर्बजस्ती तानेर घरको पछाडि पुर्याई सो हर्कत गरेको आरोप लगाइएको छ ।
उनवलियाकै २८ वर्षीय गोरखनाथ लोहार बलात्कार गरी फरार भएको भनी बालिकाको परिवारले प्रहरीमा उजूरी दिएको छ ।परिवारले बालिकालाई राति बेहोसवस्थामा फेला पारी प्रहरीलाई खबर गरेको थियो ।
अभियुक्त लोहारको खोजी भइरहेको वडा प्रहरी कार्यालय चन्द्रौटाका प्रहरी निरीक्षक दीपेश खरेलले जानकारी दिए। किशोरीको शिवराज अस्पतालमा उपचार भइरहेको छ ।
वि.सं.२०७७ जेठ १४ बुधवार १०:१७ मा प्रकाशित