काठमाडौं । रौतहटमा बुधबार थप ३५ जनामा कोरोना संक्रमण फेला परेको छ । जिल्लाको विभिन्न स्थानका १०५ जनामा संक्रमण देखिएको छ । ती मध्ये तीनजना निको भएर घर फर्किएका छन्।
बुधबार पुष्टि भएका गौरका ८ र गढीमाईका ७ , देवाहीगोनाही २ , ईशनाथका १६, कटहरिया नगरपालिकाका २ जना गरी ३५ जनामा कोरोना संक्रमण देखिएको रहेको जिल्ला प्रशासन कार्यालय रौतहटले जनाएको छ ।
उनीहरु सबै केही दिनअघि मात्रै भारतबाट आएको रौतहटका सिडिओ बासुदेव घिमिरेले जानकारी दिए।सीमाबाटै क्वारेन्टाइनमा पुर्याएकाले समुदायिकसँग उनीहरुको सम्पर्क नहेको बताइएको छ । पुष्टि भएका सबैको स्वास्थ्य अवस्था सामान्य रहेको जनाइएको छ ।
वि.सं.२०७७ जेठ १४ बुधवार १२:५८ मा प्रकाशित