back
NMB ad

प्रहरीको बर्दीमा भएकैबेला यूवतीलाई बलात्कार ! डिएपी खिउजु थुनामा

Kumari bank ad

काठमाडौं । प्रहरीको बर्दीमा भएकैबेला २१ वर्षीया यूवतीलाई बलात्कार गरेको अभियोग लागेका पूर्व डिएसपी राजकुमार खिउजुलाई जिल्ला अदालत ललितपुरले पूर्पक्षका लागि थुनामा पठाएको छ।

तत्काल प्राप्त प्रमाण हेर्दा खिउजुलाई थुनामा राख्नुपर्ने देखिएको भन्दै जिल्ला अदालतले बिहीबार खिउजुलाई थुनामा पठाएको ललितपुर जिल्ला अदालतका श्रेस्तेदार नागेन्द्र कालाखेतीले जानकारी दिए।

जागिर खान प्रहरी रिपोर्ट बनाउन गएका बेला चापागाँउ प्रहरी कार्यालयमा प्रमुख रहेका खिउजुले बलात्कार गरेको भन्दै ती किशोरीले दिएको जाहेरीका आधारमा उनी विरूद्ध बलात्कारको मुद्दा लागेको थियो।

गएको माघमा जाहेरी परेको थियो भने फागुनमा प्रहरीले उनलाई पक्राउ गरेको थियो। सरकारी वकिलले खिउजुविरूद्ध बलात्कारको अभियोगपत्र भने बुधवार दर्ता गरेको थियो।

७ देखि १० वर्षसम्मको कैद सजाय र पिडितलाई मनासिब क्षतिपूर्ति दिलाउन माग गरिएको छ। प्रहरी कार्यालय सेवामा रहेकाबेला बलात्कार गरेको भन्दै जिल्ला सरकारी वकिलले खिउजुलाई थप ४ वर्ष कैद र ४० हजार जरिवानासमेत माग गरेको छ। खिउजुले आफूलाई ६ महिनासम्म बेलाबेला धम्काउने, फकाउने र बलात्कार गर्ने गरेको किशोरीले जाहेरीमा उल्लेख गरेकी थिइन्।

यस्तो थियो घटनाः

थुप्रै चाहना, पढ्ने र कमाउने रहरले भर्खरै गाउँबाट ती युवती ललितपुरको एक गाउँबाट सहर आएकी थिइन्। परिवारबाट टाढा बसेर सहर आउन त आइन् तर काम पाइहालेकी थिइनन्।

उनले कतैबाट महाराजगञ्जस्थित एक संस्थाले सेक्युरिटी गार्डको लागि मान्छे मागेको छ भन्ने कुरा सुनिन्। सोध्दै खोज्दै त्यहाँ पुग्दा ‘प्रहरी रिपोर्ट लिएर आउन’ भन्यो।

२०७५ साल माघको ३० गते महानगरीय प्रहरी वृत्त, चापागाउँको प्रहरी कार्यालयमा रिपोर्ट बनाउन उनी पुगेकी थिइन्। त्यहाँ उनको भेट डिएसपी राजकुमार खिउजूसँग भयो। डिएसपी खिउजूले उनलाई चिया खाएर जान प्रस्ताव राखे। उनी एकछिन अलमलिइन्।

एक प्रहरीले चिया लिएर आएपछि खिउजू पनि सँगसँगै आइपुगे। बर्दीमै रहेका डिएसपी खिउजूले ढोकाको चुकुल लगाए। उनलाई निकै डर लाग्यो।

उनले किन ढोका लगाएको भन्न नपाउँदै खिउजू युवतीमाथि जाइलागे। ’म चिच्याउन सुरू के गरेकी थिएँ उसले मेरो मुख थुनिदियो। म चल्मलाउन सकिनँ,’ उनले सेतोपाटीसँग भनेकी थिइन्, ’चिया खान भनेको थियो तर प्रहरीको बर्दीमै उसले मलाई बलात्कार गर्‍यो।’

बलात्कार गरेपछि खिउजूले आफूलाई धम्क्याएको युवतीले बताइन्। आफूले सबै कुराको भिडिओ खिचेको र कसैलाई भने सार्वजनिक गरिदिने धम्की दिए।

त्यसपछि खिउजू आफैंले गाडीमा राखेर उनी बस्ने घरसम्म पुर्‍याए। ’मलाई बिरामी भएको भन्दै खिउजूले गाडीमा बस्न भन्यो। गाडी अर्कैले चलाएको थियो। ऊ मेरो छेउमा बसेर पनि मलाई धम्क्याइरहेको थियो,’ उनले सेतोपाटीसँग भनेकी थिइन् ’उसैले म बस्ने ठाउँसम्म पुर्‍याइदियो। मलाइ निकै डर लाग्यो।’

खिउजू त्यतिमै रोकिएनन्। त्यस दिनदेखि उनी बिहान बेलुकै ती युवतीको कोठामा पुग्न थाले। ’त्यसपछि पनि झण्डै छ महिनासम्म ऊ मेरै कोठामा आएर मलाई धम्क्याउँदै बलात्कार गर्‍यो,’ उनले भनेकी थिइन्, ’यो कुरा मैले कसैलाई भन्नै सकिनँ न परिवारलाई न त साथी भाइलाई नै।’

वि.सं.२०७७ जेठ १५ बिहीवार १७:४९ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...