लकडाउनमा ‘होटल मामा भान्जा’बाट दुई जोडी पक्राउ

रौतहट । रौतहटको चन्द्रपुरस्थित होटल मामा भान्जाबाट २ जोडीलाई प्रहरीले नियन्त्रणमा लिएको छ । यौनजन्य धन्दा गरेको आशंकामा प्रहरीले २ युवती र २ जना पुरुषलाई नियन्त्रणमा लिएको हो ।

होटल मामा भान्जामा लामो समयदेखि यौन व्यापार हुने सूचनाको आधारमा शुक्रबार साँझ छापामारी ४ जना लाई नियन्त्रणमा लिएको ईलाका प्रहरी कार्यालय चन्द्रपुरका प्रमुख डिएसपी हेमबहादुर शाही ले जानकारी दिएका छन् ।

पक्राउ पर्नेमा रौतहटकै एकजना ५० वर्ष र अर्का ४० वर्षको पुरुष रहेका छन्। पक्राउ परेका युवती भने दुबैजना अन्य जिल्लाको भएको डिएसपी शाहीले बताए । पक्राउ परेका चारैजना नियन्त्रणमा रहेको र घटनाबारे अनुसन्धान भैइरहेको बताए ।

अहिले नै मुद्दा चल्ने न चल्नेबारे भन्न मिल्दैन अनुसन्धानपछि मात्र टुंगोमा पुगिने डिएसपी शाहीले भने । पूर्वपश्चिम महेन्द्र राजमार्गसँग जोडिएको चन्द्रनिगाहपुरको अधिकाँश होटलमा यौन व्यापार हुँदै आएको पटक–पटक गुनासो सुनिँदै आएको छ ।

२०७७ जेष्ठ १७ गते १३:५५ मा प्रकाशित

You can share this post!

नेकपाको सचिवालय बैठकमा के-के भए निर्णय ?

नेकपाको सचिवालय बैठकमा के-के भए निर्णय ?

Related posts