दाङ । दाङमा दुईजना स्वास्थ्यकर्मीमा कोरोना भाइरस (कोभिड–१९) संक्रमण पुष्टि भएको छ। आइतबार दाङमा पोजिटिभ देखिएका ९ जना मध्ये दुईजना स्वास्थ्यकर्मी हुन् ।
गढवा गाउँपालिकाको क्यारेन्टाइनमा खटिएका दुईजना स्वास्थ्यकर्मीमा कोरोना पुष्टि भएको हो । ‘उहाँहरु सुरुदेखि नै कार्यस्थलमा खटिनु भएको थियो’, गाउँपालिकाका कार्यकारी अधिकृत लालबहादुर योगीले भने, ‘अहिले कोरोना पोजिटिभ देखिएको छ।’
गाउँपालिकाले उनीहरुलाई क्वारेन्टाइको पूर्ण जिम्मा दिएको थियो। राप्ती स्वास्थ्य विज्ञान प्रतिष्ठानमा गरिएको कोरोना पीसीआर परीक्षणमा स्वास्थ्यकर्मीसहित ४ जनामा कोरोना संक्रमण देखिएको हो।
वि.सं.२०७७ जेठ १८ आइतवार १९:२८ मा प्रकाशित