काठमाडौं । अमेरिकामा प्रहरी नियन्त्रणमा एक अश्वेत नागरिक मारिएको विषयलाई लिएर सुरु भएको आन्दोलन थप हिंसात्मक बन्दै गएको छ । यो आन्दोलनको क्रममा पाँच जनाको मृत्यु भएको छ ।
अमेरिकाको कम्तीमा १४० सहरमा आन्दोलन फैलिइसकेको छ । यो आन्दोलनमा मृत्यु हुनेको संख्या अझै बढी हुन सक्ने बताइएको छ । जसमध्ये आन्दोलनकारी र प्रहरी अधिकारी रहेको न्युयोर्क टाइम्सले बताएको छ ।
आन्दोलनको क्रममा हजारौं मानिसहरु प्रक्राउ परेका छन् । उनीहरुलाई आगजनी, लुटपाट र हिंसात्मक गतिविधि गरेको आरोपमा पक्राउ गरिएको हो ।
अमेरिकी राष्ट्रपति डोनालड ट्रम्पले अमेरिकामा आन्दोलन हिंसात्मक बन्दै गएको प्रति चिन्ता व्यक्त गरेका छन् । उनले सहर तथा राज्यले आन्दोलन रोक्न नसके सेना परिचालन गर्ने चेतावनी दिइसकेका छन् । स्रोत :द न्युयोर्क टाइम्स
वि.सं.२०७७ जेठ २० मंगलवार १९:०० मा प्रकाशित