काठमाडौं । प्रदेश २ को प्रदेश सभाका पाँचजना मर्यादापालकमा कोरोना भाइरस पोजेटिभ देखिएपछि बिहीबारको बैठक स्थगित गरिएको छ । बुधबार चौथो अधिवेशनको पहिलो बैठक बसेको थियो ।
बैठक बस्नुभन्दा केही दिनअघि प्रदेश सभा सचिवालयले सांसद र सचिवालयमा काम गर्ने कर्मचारीको कोरोनाको परीक्षण गराएका थिए । तर, उनीहरूको रिपोर्ट बिहीबार मात्रै आएकोले बैठक स्थगित गरिएको प्रदेश सभा सचिवालयले जनाएको छ ।
प्रदेश सभा सचिवालयका निमित्त सचिव रञ्जित यादवले अब प्रदेश सभा भवनलाई स्यानिटाइज गरेर शुक्रबार दिउँसो १ बजे मात्रै बैठक बस्ने बताए ।
वि.सं.२०७७ जेठ २२ बिहीवार १८:०६ मा प्रकाशित