काठमाडौं । नेपालमा कोरोना भाइरस (कोभिड–१९) संक्रमितको संख्या चार हजार नाघेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार मंगलबार थप ३२३ जनामा संक्रमण पुष्टि भएको हो ।
योसँगै हालसम्म नेपालमा संक्रमितको संख्या चार हजार ८५ पुगेको छ । मंगलबार दुई सय ९२ पुरुष र ३१ महिला महिलामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा. गौतमले जानकारी गराउनुभयो ।
नेपालमा कोरोनाका कारण १४ जनाको मृत्यु भइसकेको छ। मंगलबार मात्र ९६ जना डिस्चार्ज भएका छन्।
वि.सं.२०७७ जेठ २७ मंगलवार १६:२३ मा प्रकाशित