काठमाडौं । लोक सेवा आयोगले एक जरुरी सूचना सार्वजनिक गरेको छ । आयोगले संगठित संस्थाहरुलाई पदपूर्ति विवरण पठाउने सम्वन्धमा सूचना निकालेको हो । आयोगको सुरक्षा निकाय तथा संगठित महाशाखा, परीक्षा संचालन शाखाले उक्त सूचना निकालेको हो ।
आगामी आ.व. ०७७/०७८ मा पदपूर्ति गर्नुपर्ने संगठित संस्थाहरुले पदपूर्ति गर्नुपर्ने पदहरुको विवरण तथा समय तालिका उल्लेख गरि आउदो असार १५ गते भित्र सुरक्षा निकाय तथा संगठित संस्था महाशाखा (परीक्षा संचालन शाखा)मा आइपुग्ने गरि उपलब्ध गराउनका लागि अनुराध गरेको छ ।
साथै सो मितिभित्र विवरण उपलब्ध नगराउने संगठित संस्थाहरुको पदपूर्ति कार्यक्रम आयोगको वार्षिक कार्यतालिकामा समावेश गनृ असहज हुने सूचनामा उल्लेख छ ।
आयोगले सबै संगठित संस्थाहरुले संगठित संस्थाका कर्माचारीको सेवाका शर्त सम्वन्धी, कानुन, बढुवा र विभागीय कारवाही सम्वन्धी सामान्य सिद्धान्त, २०७४ बमोजिम सम्वद्ध नियम, विनियमहरु परिर्माजन गर्न यस अगाडि नै सूचित गरिसकेको छ ।
नेपालको संविधानको धारा २४३ को उपधारा (२) बमोजिम संगठित संस्थाका रिक्त पदमा पदपूर्तिको लागि आयोगबाट लिखित परीक्षाहरु संचालन हुँदै आइरहेका छन । पदपूर्ति गर्नुपर्ने पदहरको विवरण पठाउने फारमको ढाँचा आयोगको वेबसाइट https://psc.gov.np/ मा राखिएको सूचनामा उल्लेख छ ।
सूचना हेर्नका लागि यहाँ क्लिक गर्नुहोस् ।
वि.सं.२०७७ जेठ २८ बुधवार १७:१६ मा प्रकाशित