काठमाडौं । मन्त्रिपरिषद् बैठकले लकडाउन खुकुलो बनाएर जनजीवन सहज बनाउने निर्णय गरेको छ । भर्खरै सकिएको मन्त्रिपरिषद् बैठकले लकडाउन खुकुलो बनाउने निर्णय गरेको एक मन्त्रीले जानकारी दिनुभयो ।
लकडाउनको नयाँ मोडालिटी भने भोलि ३ बजे सार्वजनिक गरिने बताइएको छ ।
यस्तै लकडाउनका कारण गत वर्ष रोकिएको कक्षा १० को अन्तमा लिइने माध्यमिक शिक्षा परीक्षा (एसइई) यसवर्ष नगर्ने निर्णय गरेको छ ।
शिक्षा, विज्ञान तथा प्रविधि मन्त्रालयको प्रस्तावमा कोरोना महामारीका कारण रोकिएको परीक्षा तत्काल गर्न सक्ने अवस्था नभएको र शैक्षिक वर्ष क्षति हुन नदिनका लागि विद्यालयले गरेको मूल्यांकनलाई नै मान्यता दिने गरी निर्णय गरिएको एक मन्त्रीले जानकारी दिनुभयो ।
वि.सं.२०७७ जेठ २८ बुधवार २१:५८ मा प्रकाशित