नारायणपुर । घोराही उपमहानगरपालिकाका विभिन्न वडामा स्वास्थ्यकर्मी संक्रमित भएपछि कार्यालय बन्द गरिएको छ । स्वास्थ्यचौकी र उनीहरु आवतजावत गर्ने वडा कार्यालयसमेत बन्द गरिएको उपमहानगर पालिकाले जनाएको छ ।
संक्रमण पुष्टि भएका स्वास्थ्यकर्मी वडा कार्यालयमा बस्ने गरेकाले घोराही ३ नं वडा कार्यालय बन्द गरिएको नगर प्रमुख नरुलाल चौधरीले जानकारी दिए ।
त्यस्तै वडा नं ४ मा रहेको स्वास्थ्यचौकी पनि बन्द गरिएको छ । त्यहाँ कार्यरत दुई स्वास्थ्यकर्मीमा कोरोना संक्रमण पुष्टि भएको छ । त्यसैगरी वडा नं २ को शहरी स्वास्थ्य प्रवर्द्धन केन्द्रको कार्यालय पनि बन्द गरिएको छ ।
बुधबारदेखि संक्रमित स्वास्थ्यकर्मी तथा वडा नम्बर १७ र १८ का संंक्रमितका परिवारको कन्टयाक्ट ट्रेसिङ र स्वाब संकलन शुरु गरिने उपमहानगरपालिकाका प्रमुख चौधरीले जानकारी दिए। घोराही –१७ का १७ र घोराही– १८ का दुई जना रिपोर्ट नआउँदै घर गएकाले कन्ट्याक्ट ट्रेसिङ गर्नुपरेको हो।
वि.सं.२०७७ असार २ मंगलवार १५:३६ मा प्रकाशित