काठमाडौं । जिल्ला प्रशासन कार्यालय काठमाडौंले उपत्यका बाहिर जाने सवारी पासको निवेदन बिहान १० बजेदेखि मध्यान्ह १२ बजेसम्म संकलन गर्ने भएको छ ।
सोमबार सूचना प्रकाशित गरी प्रशासन कार्यालयले आवश्यकता र औचित्य हेरी २स्३० बजे पश्चात सवारी पास वितरण गर्ने जनाएको छ।‘काठमाडौंबाट बाहिर जिल्ला जाँदा अनिवार्यरुपमा सोही जिल्लाको स्थानीय तहको नियमानुसारको क्वारेन्टिनमा बस्ने ब्यहोरा जाने ठाउँको स्थानीय निकायबाट प्रमाणित भएपछि मात्र सवारी पास जारी हुने’ सूचनामा उल्लेख छ।
साथै मृत्यु संस्कारमा जानेको हकमा भने नियमानुसार निवेदन प्राप्त हुन आएमा पास उपलब्ध हुने जिल्ला प्रशासन कार्यालय काठमाडौंले जनाएको छ।
वि.सं.२०७७ असार ८ सोमवार १९:३१ मा प्रकाशित
