काठमाडौं । नागरिक लगानी कोषको शेयर मूल्य समायोजन भएको छ । नेपाल स्टक एक्सचेञ्ज (नेप्से) ले कोषको २२ प्रतिशत बोनस शेयरमा मूल्य समायोजन गरेको हो ।
नेप्सेले कोषको प्रतिशेयर मूल्य समायोजनपछि रू. १ हजार ८८२ तोकेको हो । कोषले प्रस्तावित २२ प्रतिशत बोनस शेयर र कर प्रयोजनका लागि १ दशमलव १६ प्रतिशत नगद लाभांशसहित विविध प्रस्ताव पारित गर्न असार २० गते २५ औंं वार्षिक साधारण सभा बोलाएको छ ।
उक्त सभा प्रयोजनका लागि कोषले असार १० गते एक दिन बुक क्लोज गरेको छ । सभाले बोनस पश्चात कायम चुक्तापूँजीको आधारमा ८२ दशमलव ८४ प्रतिशत हकप्रद शेयर निष्कासन गर्ने प्रस्ताव समेत पारित गर्नेछ ।
हाल कोषको चुक्तापूँजी रू.१ अर्ब १० करोड २३ लाख छ । सोहि चुक्तापूँजीको आधारमा कोेषले लाभांश दिने तयारी गरेको हो ।
वि.सं.२०७७ असार १० बुधवार ०९:१३ मा प्रकाशित