काठमाडौं । काठमाडौं उपत्यकामा थप २ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले उपत्यकामा थप २ जनामा कोरोना भाइरस संक्रमण पुष्टि गरेका हुन्।
शुक्रराज ट्रपिकल तथा सरुवा रोग अस्पतालको प्रयोगशालामा काठमाडौंका एक पुरुष र पाटन अस्पताल ललितपुरको प्रयोगशालमा गरिएको परीक्षणमा ललितपुरकी एक महिलामा कोरोना संक्रमण देखिएको हो।
योसहित नेपालमा संक्रमितको संख्या १० हजार ७२८ पुगेको छ। बुधबार मात्र ६२९ जनामा कोरोना संक्रमण देखिएको मन्त्रालयले पुष्टि गरेको छ।मन्त्रालयका अनुसार थप ११४ जना कोरोना जितेर डिस्चार्ज भएका छन्। कोरोनाबाट मृत्यु हुनेको संख्या २४ पुगेको छ।
मन्त्रालयका अनुसार अहिलेसम्म पीसीआर विधिबाट १ लाख ९३ हजार १९४ र आरडीटी विधिबाट २ लाख ८३ हजार ६९६ जनाको नमुना परीक्षण गरिएको छ । पछिल्लो २४ घण्टामा विभिन्न प्रयोगशालामा पीसीआर विधिबाट ६ हजार ८२८ र आरडीटी परीक्षणमा १२ हजार ११२ जनाको नमुना परीक्षण गरिएको छ ।
मन्त्रालयका अनुसार क्वारेन्टाइनमा ७८ हजार ६४८ छन् भने आइसोलेसनमा ८ ३६६ जनाको उपचार भइराखेको छ। रेडजोनमा ५०९ जना रहेका छन्। ललितपुरका एकजना रेडजोनमा परेका छन्।
वि.सं.२०७७ असार १० बुधवार १६:२६ मा प्रकाशित