काठमाडौं । सत्तारुढ दल नेपाल कम्युनिस्ट पार्टी (नेकपा) जारी स्थायी समितिको बैठकमा आज २१ नेताहरुले आफ्नो धारणा राखेका छन्।
प्रधानमन्त्री निवास बालुवाटारमा बसेको स्थायी समितिको तेस्रो दिनको बैठकमा नेपाल भारत सीमा समस्यामा केन्द्रीत रहेर २१ नेताहरुले आफ्नो धारणा राखेको प्रवक्ता नारायणकाजी श्रेष्ठले जानकारी दिए।
आजबोल्ने अधिकांश नेताहरुले नेपाल–भारत सीमा विवाद कूटनीतिक तबरबाटै हल गर्नुपर्ने बताएको प्रवक्ता श्रेष्ठले जानकारी दिए। उनले पार्टीको अर्को बैठक यही असार १६ गते अपरान्ह बालुवाटारमै बस्ने जानकारी दिए ।
भोलि मदन जयन्ती र पर्सि राष्ट्रिय धानदिवस भएका कारण अर्को बैठक १६ गते बोलाइएको उनको भनाइ थियो । ‘असार १६ गते विहान ११ बजे पुनः बैठक बस्नेछ,’ प्रवक्ता श्रेष्ठले भने।
वि.सं.२०७७ असार १३ शनिवार १७:१६ मा प्रकाशित
