आज एनआईसी एशिया लघुवित्तको आईपीओमा आवेदन दिने अन्तिम दिन

काठमाडौं । असार १० गतेदेखि विक्रीमा आएको एनआईसी एशिया लघुवित्तको आईपीओमा आवेदन दिने आइतवार (आज) अन्तिम दिन रहेको छ ।

विक्री खुला भएको पहिलो दिनमै मागभन्दा बढी आवेदन परेको यस कम्पनीको आईपीओ विक्रीको छिटो अवधिभित्रै विक्री बन्द हुन लागेको हो । यस कम्पनीको आईपीओमा शुक्रवार ३ः३० बजेसम्म २ लाख ९० हजार आवेदकबाट १ करोड ६२ लाख कित्ताका लागि आवेदन परेको छ ।

यो आवेदन मागभन्दा ३ दशमलव ६५ गुणा बढी हो । कम्पनीले सर्वसाधारणका लागि छुट्याएको कुल ४७ लाख ५५ हजार कित्तामध्ये ७४ हजार कर्मचारीका लागि सुरक्षित गरी २ लाख ३७ हजार ८०० कित्ता सामूहिक लगानी कोषका लागि बाँडफाँटपछि बाँकी ४४ लाख ४३ हजार २०० कित्ता शेयर सार्वजनिक निष्कासन मार्फत विक्रीमा ल्याएको हो ।

यो आईपीओ खरीद गर्न चाहनेले न्यूनतम १० कित्ता र अधिकतममा २ लाख कित्तासम्मका लागि आवेदन दिन सक्ने व्यवस्था छ । आवेदकले नेपाल धितोपत्र बोर्डबाट स्वीकृत प्राप्त गरेका सम्पूर्ण सी–आस्बा सेवामा सहभागी सम्पूर्ण बैंक तथा वित्तीय संस्था र तिनका शाखा कार्यालयबाट आवेदन दिन सक्नेछन् ।

कम्पनीले निष्कासन गरेको आईपीओलाई केयर रेटिङ नेपालले आधारभूत पक्ष औसतभन्दा तल रहेको बुझाउने ग्रेड ४ रेटिङ प्रदान गरेको छ । हाल रू. १ अर्ब ४५ लाख चुक्तापूँजी रहेको कम्पनीको आईपीओ निष्कासनपछि चुक्तापूँजी रू. १ अर्ब ४८ करोड पुग्नेछ ।

२०७७ असार १४ गते १०:२६ मा प्रकाशित

You can share this post!

रिपोर्ट कुर्दा कुर्दै क्वारेन्टाइनमै बिते महिना दिन

रिपोर्ट कुर्दा कुर्दै क्वारेन्टाइनमै बिते महिना दिन

Related posts