काठमाडौं । लोक सेवा आयोगले नेपाल बैंकको खुला तथा समावेशी, छैटौँ तह, प्रशासन सेवा, सहायक प्रवन्धक पदको लिखित नतिजा प्रकाशन गरेको छ । आयोगले लिएको लिखित परीक्षा एक हजार २७७ सहभागि मध्ये १४३ जनाले नाम निकाल्न सफल भएका छन् ।
लोकसेवा आयोगले प्रकाशन गरेको सूचनाअनुसार खुलातर्फ ६९ जना, महिला १९, आदिवासी जनजाति १६, मधेसी १२, दलित ५, अपांग ३ जना र पिछडिएको क्षेत्रतर्फ २ जनाको सिट छुट्याउँदै विज्ञापन गरिएको थियो।
यसमध्ये ८५ जना खुलातर्फ, महिलातर्फ ६३ जना, आदिवासी जनजाति ३३ जना, मधेसी १७, दलित १, अपांग ३ जना र पिछडिएको क्षेत्रतर्फ ३ जना उत्तीर्ण भएका छन्। दलित कोटामा मागअनुसार उम्मेदवार उत्तीर्ण भएका छैनन् ।
लिखित परीक्षामा उत्तिर्ण भएका उम्मेदवारहरुले अन्तर्वार्ता र अन्य बाँकी कार्यका लागि सम्वन्धित निकायमा सम्पर्क गर्न आयोगद्वारा जारी सूचना उल्लेख गरिएको छ ।
नतिजा हेर्नका लागि यहाँ क्लिक गर्नुहोस् ।
वि.सं.२०७७ असार १४ आइतवार ११:४७ मा प्रकाशित
