काठमाडौं । तीन ओटा कम्पनीले शेयरधनीको डिम्याट खातामा बोनस शेयर पठाएका छन् । गणपति लघुवित्त, गुँरास लघुवित्त र सबैको लघुवित्तले बोनस शेयर शेयरधनीको डिम्याट खातामा पठाएका हुन् ।
गणपति लघुवित्त वित्तीय संस्थाले शेयरधनीलाई गत पुस ४ गते सम्पन्न तेस्रो वार्षिक साधारण सभाबाट पारीत ७ प्रतिशत बोनस शेयर डिम्याट खातामा पठाएको छ ।
त्यसैगरी गुँरास लघुवित्त वित्तीय संस्थाले मंसिर १४ गते सम्पन्न वार्षिक साधारण सभाबाट पारीत ७ दशमलव ६१२ प्रतिशत बोनस शेयर शेयरधनीको डिम्याट खातामा पठाएको छ ।
कम्पनीले कात्तिक २६ गतेसम्म कायम शेयरधनीको डिम्याट खातामा बोनस शेयर पठाएको छ भने भने सबैको लघुवित्त वित्तीय संस्थाले पनि मंसिर २१ गते सम्पन्न वार्षिक साधारण सभाबाट पारीत १३ प्रतिशत बोनस शेयर शेयरधनीको डिम्याट खातामा जम्मा गरेको छ । यी तिनै ओटा कम्पनीको शेयर रजिष्ट्रारमा एनआइबिएल एस क्यापिटल लिमिटेड रहेको छ ।
वि.सं.२०७७ असार १७ बुधवार ११:४७ मा प्रकाशित
