back
NMB ad

मनाङ र मुस्ताङ कोरोना संक्रमण मुक्त

Kumari bank ad

पोखारा । गण्डकी प्रदेशका दुई हिमाली जिल्ला मनाङ र मुस्ताङ हालका लागि कोरोना संक्रमणमुक्त भएका छन्। दुबै जिल्लामा रहेका एकरएक जना संक्रमित निको भएका छन् ।

मनाङमा कपिलवस्तुबाट गएका एकजना कर्मचारी र मुस्ताङमा काठमाडौंबाट घर फर्केका एकजना व्यक्तिमा कोरोना संक्रमण पुष्टि भएको थियो ।

मनाङका जिल्ला स्वास्थ्य प्रमुख बद्री आचार्यका अनुसार एकमात्र संक्रमित निको भएपछि जिल्ला हालका लागि कोरोना संक्रमणबाट मुक्त भएको छ । कपिलवस्तुका ती संक्रमित मनाङको एक कार्यालयमा कार्यरत थिए । ‘एकजना संक्रमित भएपनि उनी अहिले निको भईसकेका छन् । संक्रमित व्यक्तिमा कुनै लक्षण समेत देखिएन,’ आचार्यले भने, ‘संक्रमितले केही औषधि समेत खानुपरेन । आइसालेनसमा रेखदेख गर्दा पनि उहाँ निको हुनुभयो ।’

मनाङमा अहिलेसम्म सबैगरि करिब ६० जना क्वारेन्टिनमा बसेको भएपनि ती सबै घर फर्किएका छन् । कोही पनि व्यक्ति आइसोलेसनमा पनि नरहेको आचार्यले बताए । ‘क्वारेन्टिन र आइसोलेसन पनि शुन्य भएका छन् । एकजना संक्रमित पनि निको भएपछि मनाङ कोरोनामुक्त भएको छ,’ उनले भने, ‘अब कोही बाहिरबाट आयो भने मात्र संक्रमणको त्रास हो । नत्र अहिलेका लागि संकट टरेको छ ।’

मुस्ताङका कोरोना संक्रमित वृद्ध पनि निको भएर घर फर्किएको त्यहाँको जिल्ला स्वास्थ्य कार्यालयका निमित्त स्वास्थ्य प्रमुख टिकाराम भण्डारीले बताए । ‘संक्रमितलाई निको भएपछि मंगलबार बेलुकी घर पठाइएको हो । अहिलेसम्म जिल्लामा संक्रमित उनीमात्र हुन,’ भण्डारीले भने, ‘मुस्ताङ पनि हालका लागि कोरोना संक्रमण मुक्त भएको छ ।’ मुस्ताङका संक्रमित ८३ वर्षिय पुरुष भएपनि उनमा कोरोनाको कुनै लक्षण नदेखिएको भण्डारीले जानकारी दिए ।

‘प्रेसरको औषधि सेवन गर्ने रहेछन । तर, कोरोनाको लक्षण कुनै पनि देखिएन । ज्वरो, रुघाखोकी, स्वासप्रश्वासमा कुनै समस्या भएन,’ उनले भने, ‘नियमित बाहेक उनले अरु केही औषधि पनि सेवन गर्नुपरेन ।’ संक्रमण पुष्टि भएको १६ दिनपनि उनको परीक्षण गर्दा रिपोर्ट नेगेटिभ आएको भण्डारीले बताए । ‘वृद्ध भएकाले उनलाई हिडडुलमा समस्या थियो ।

त्यसैले रेखदेखका लागि उनका ज्वाई पनि आइसोलेसनमै बसेका थिए । तर दुईपटक नै परीक्षण गर्दा ज्वाईको रिपोर्ट पनि नेगेटिभ आयो,’ भण्डारीले भने, ‘वृद्ध भएपनि उनी पहिले झै टाठै भएर निस्किए । अतिरिक्त केही औषधि पनि खानुपरेन ।’

गत जेठ ३१ गते काठमाडौंको बौद्धबाट मुस्ताङ पुगेका घरपझोङ–१, छैरोस्थित तिब्बतीयन क्याम्प निवासी ती पुरुषको घाँसास्थित कोरोनाको आरडिटी क्लिनिकमा परीक्षण गर्दा पोजेटिभ देखिएपछि उनलाई जिल्ला अस्पतालको आइसोलेसनमा राखिएको थियो । असार २ गते स्वाव संकलन गरेर परीक्षणका लागि पोखरा पठाइएकोमा पोखराको प्रयोगशालामा कोरोना पोजेटिभ पुष्टि भएको थियो ।

अहिले मुस्ताङको आइसोलेसन र क्वारेन्टिनमा दुइ–दुइ गरि चारजना रहेका छन् । जोमसोमको क्वारेन्टिनमा दुईजना र लेतेको प्राथमिक स्वास्थ्य सेवा केन्द्रको आइसोलेनमा दुईजना बसेका छन् । उनीहरु बाहिरी जिल्लाबाट माथि उक्लिएका व्यक्ति हुन् । उनीहरुको पनि स्वाव परीक्षणको तयारी भएको उनले बताए ।

गण्डकी प्रदेशमा कोरोना संक्रमितको संख्या एकहजार नाघेको छ । बुधबार मात्र प्रदेशका विभिन्न जिल्लामा १७ जना संक्रमित थपिएका छन् । अहिलेसम्म प्रदेशका २८७ जना संक्रमित निको भएर घर फर्केको प्रदेशको स्वास्थ्य निर्देशनालयले बताएको समाचार आजको नागरिक दैनिकले प्रकाशन गरेको छ ।

वि.सं.२०७७ असार १८ बिहीवार ०७:३४ मा प्रकाशित

You can share this post!

अवैध आयात र दक्ष जनशक्ति अभावले सङ्कटमा बेकरी उद्योग   

अवैध आयात र दक्ष जनशक्ति अभावले सङ्कटमा बेकरी उद्योग   

वि.सं.२०८० चैत १६ शुक्रवार १६:०८

बनियानी (झापा), १६ चैत : भारतबाट हुने अवैध आयात र...

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

वि.सं.२०८० चैत १६ शुक्रवार १६:०४

काठमाडौँ, १६ फागुन : उद्योग, वाणिज्य तथा आपूर्तिमन्त्री दामोदर भण्डारीले...

जथाभावी फोहर फाल्नेबाट महानगरले उठायो २७ लाख जरिवाना 

जथाभावी फोहर फाल्नेबाट महानगरले उठायो २७ लाख जरिवाना 

वि.सं.२०८० चैत १६ शुक्रवार १५:५९

वीरगञ्ज (पर्सा), १६ चैत : वीरगञ्ज महानगरपालिकाले चालु आर्थिक वर्ष...

नेपालले २२३ रनको चुनौती पायो   

नेपालले २२३ रनको चुनौती पायो   

वि.सं.२०८० चैत १६ शुक्रवार १५:४८

काठमाडौँ, १६ चैत : आयरल्यान्ड ‘ए’ टोलिले ट्वान्टी–२० शृङ्खलाको पहिलो...

सात सयभन्दा बढी बैंकिङ कसुरका निवेदन   

सात सयभन्दा बढी बैंकिङ कसुरका निवेदन   

वि.सं.२०८० चैत १६ शुक्रवार १५:०८

चितवन, १६ चैत : जिल्ला प्रहरी कार्यालय चितवनमा चालु आर्थिक...

सहकारीमा गरेको बचत सुनिश्चित गर्न माग   

सहकारीमा गरेको बचत सुनिश्चित गर्न माग   

वि.सं.२०८० चैत १६ शुक्रवार १४:५८

चितवन, १६ चैत : चितवनका सहकारी संस्था समस्याग्रस्त बन्दै गएपछि...