काठमाडौं । नेको इन्स्योरेन्सले ८ दशमलव १६ प्रतिशत नगद लाभांश शेयरधनीहरुको बैंक खातामा जम्मा गरेको छ ।
कम्पनीले जेठ २३ गते २४ औं वार्षिक साधारण सभाबाट पारित गरेको नगद लाभांश चैत २४ गतेसम्म बैंक खाता अद्यावधिक गराएका शेयरधनीहरुको बैंक खातामा जम्मा गरिदिएको हो ।
उक्त मितिपश्चात बैंक खाता अद्यावधिक गराउनेहरुको पनि बैंक खातामै नगद लाभांश जम्मा गरिने उक्त कम्पनीले बताएको छ ।हालसम्म पनि बैंक खाता अद्यावधिक नगराएका सदस्यहरुलाई समयमै अद्यावधिक गराई आफ्नो लाभांश सुरक्षित गर्न कम्पनीले अनुरोध गरेको छ ।
कम्पनीको शेयर रजिष्ट्रारमा आरविवि मर्चेण्ट बैंकिङ लिमिटेड रहेको छ । हाल उक्त कम्पनीको चुक्तापूँजी रू. १ अर्ब ३१ करोड ७४ लाख ३२ हजार छ । अघि आर्थिक वर्षको सञ्चित मुनाफाबाट कम्पनीले १२ प्रतिशत बोनस शेयर दिएको थियो ।
बीमा समितिको निर्देशन बमोजिम तोके बमोजिमको रू. १ अर्ब चुक्तापूँजी कायम गर्न यस अघि हकप्रद र बोनस शेयरको सहारा लिएको उक्त कम्पनीले यस वर्ष भने नगद लाभांशलाई जोड दिएको हो ।
वि.सं.२०७७ असार १८ बिहीवार ११:१८ मा प्रकाशित