काठमाडौं । ग्लोबल आइएमई क्यापिटल तथा ग्लोबल आएइमएई बैंकले डिम्याट खाता भएका हितग्राहीलाई डिम्याट खाता नबिकरण गर्न अनुरोध गरेको छ ।
बैंकले आव २०७६ र ७७ सम्मको डिम्याट खाता सञ्चालन गरे वापतको वार्षिक शुल्क रू. १०० भुक्तानी गर्न अनुरोध गरेको हो । सम्पूर्ण हितग्राहीहरुले असार मसान्तभित्रमा पायक पर्ने ग्लोबल आइएमई बैंकका शाखा कार्यालयहरुबाट भुक्तानी गर्न सक्नेछन् ।
तोकिएको समयमा वार्षिक शुल्क भुक्तानी नगरेमा डिम्याट खाता रोक्का गर्ने बैंकले जानकारी गराएको छ । साथै मेरो शेयर सेवा लिएका हितग्राहीले पनि सञ्चालनमा आएको एक वर्षभित्र नविकरण गरिसक्नु पर्ने र सो समयभित्र नविकरण नगरेमा बन्द हुने भएकाले मेरोशेयरको पनि वार्षिक सेवा शुल्कसमेत नबिकरण गर्न अनुरोध गरिएको छ ।
हितग्राहीहरुले वार्षिक नविकरण शुल्क ई– सेवा, कनेक्ट आईपीएस तथा आइएमई –पे मार्फत समेत भुक्तानी गर्न सकिने सूचनामा उल्लेख छ ।
वि.सं.२०७७ असार १८ बिहीवार १४:३३ मा प्रकाशित