काठमाडौं । प्रभु बैंकले संस्थापक शेयर असार २१ (आज) देखि लिलामीमा विक्री गर्दैछ । कम्पनीले २८ लाख १० हजार कित्ता संस्थापक शेयर लिलामीमा विक्री गर्न लागेको हो ।
शिलबन्दी बोलपत्र पेश गर्ने अन्तिम दिन साउन ५ गतेसम्म रहेको छ । शेयर खरीद गर्न इच्छुक आवेदकले न्यूनतम १ लाख कित्ताको लागि आवेदन दिन सक्नेछन् भने अधिकतम शेयर संख्याको लागि कुनै हद लाग्ने छैन ।
तर शेयर खरीद गर्न आवेदन गरेको कुल शेयर कित्ता जोड्दा नेपाल राष्ट्रबैंकले एउटा व्याक्ति एकाघर परिवारका सदस्य वा संस्थाले खरीद गर्न वा राख्न पाउने गरी तोकेको अधिकतम संख्या सीमाभन्दा बढी नहुने गरी आवेदन पेश गर्नुपर्नेछ ।
शेयरको न्यूनतम मूल्य प्रतिशेयर रू. १२२ तोकिएको हुँदा सो वा सो भन्दा बढी मूल्य अंकित गरी आवेदन दिन सक्नेछन् । विक्री प्रबन्धक मुक्तिनाथ क्यापिटल लिमिटेड रहेको छ ।
वि.सं.२०७७ असार २१ आइतवार ११:२७ मा प्रकाशित