काठमाडौं । मंगलवार दुई घण्टाको कारोबार अवधिमा नेप्से परिसूचक ३१ दशमलव ४७ अंक बढेर १ हजार ३३० दशमलव २० विन्दुमा पुगेको छ । यस अवधिसम्म २ दशमलव ४२ प्रतिशत बढेको बजारमा रू. ५८ करोड ४२ लाख ७० हजार बराबरको कारोबार भएको छ ।
यो कारोबार १६४ कम्पनीको ९ हजार ८५५ पटकको व्यापारमा भएको हो । दुई घण्टाको कारोबारमा सबैभन्दा बढी नेपाल पुनर्बीमा कम्पनीको रू. ७ करोड ८८ लाख ५३ हजार बराबरको शेयर कारोबार भएको छ ।
रू. ४४ ले शेयरमूल्य बढेको उक्त कम्पनीकोे शेयरमूल्यमा १० प्रतिशतको सकारात्मक सर्किट लागेको छ । यस अवधिसम्म कारोबारमा आएका १२ ओटै समूहको परिसूचक बढेको छ । मंगलवार दुई घण्टाको कारोबारमा निर्जीवन बीमा समूहको परिसूचक सबैभन्दा बढी ५ दशमलव ३५ प्रतिशत बढेको छ ।
वि.सं.२०७७ असार २३ मंगलवार १३:०२ मा प्रकाशित