काठमाडौं । ग्लोबल आइएमई बैंकले कोरोना रोकथाम तथा नियन्त्रणका लागि बागमती प्रदेश सरकारलाई १० लाख सहयोग गरेको छ ।
बैंकका शाखा प्रबन्धकहरु नारायण प्रसाद पौडेल, लक्ष्मण पौडेल र दिपेन्द थापाले संयुक्तरुपमा बागमती प्रदेशका मुख्यमन्त्री डोरमणि पौडेललाई उक्त रकमको चेक हस्तान्तरण गर्नुभयो ।
मुख्यमन्त्री पौडेलले कोराना रोकथाम तथा नियन्त्रणका लागि सहयोग प्रदान गरेकोमा बैंकलाई धन्यवाद दिँदै भविष्यमा पनि यस्तो कार्यलाई निरन्तरता दिन आग्रह गर्नुभयो ।
स्थापनाकालदेखि नै दैवी तथा अन्य विपत्तिको अवस्थामा आफनो सामाजिक उत्तरदायित्वलाई प्राथमिकतामा राखेर विभिन्न कार्यहरुमा सहयोग गर्दै आएको बैंकले जनाएको छ र आगामी दिनहरुमा समेत यस्तो सहयोग लाई निरन्तरता दिँदै जाने प्रतिवद्धता जनाएको छ ।
वि.सं.२०७७ असार ३० मंगलवार ११:५८ मा प्रकाशित