काठमाडौं । बैंकिङ कसुर गरेर फरार रहेका राजेन्द्रकुमार महर्जन पक्राउ परेका छन् । उनलाई फरार भएको ६ महिनापछि केन्द्रीय अनुसन्धान ब्यूरो (सीआइबी) को टोलीले पक्राउ गरेको हो ।
ललितपुर जिल्ला अदालतले महर्जनलाई १० दिन जेल र १५ लाख ७५ हजार रुपैयाँ जरिवानाको फैसला गरेको थियो । अदालतको फैसलापछि उनी लुकीछिपी बसेका थिए ।
उनलाई पक्राउ गरेर प्रहरीले आइतबार ललितपुर जिल्ला अदालत उपस्थित गराएको छ । कलंकीका ४७ वर्षीय महर्जन ललितपुरको इमाडोलमा बस्दै आएका थिए । उनले २०७५ भदौ ५ गते कृष्णभक्त महर्जनलाई खातामा पैसा नभए पनि झुक्याउने उद्देश्यले नेपाल इन्भेष्टमेन्ट बैंकको चेक काटेर दिएका थिए ।
वि.सं.२०७७ साउन ११ आइतवार १५:१२ मा प्रकाशित