काठमाडौं । आज सोमबार साँझ ५ बजे मन्त्रिपरिषद बैठक बस्दैछ । बैठकमा राष्ट्रिय खेलकुद परिषद (राखेप) को सदस्य सचिव चयन, लगानी बोर्डका प्रमुख कार्यकारी अधिकृत (सीईओ) नियुक्ति लगायत निर्णय हुने बताइएको छ ।
नयाँ खेलकुद ऐनअनुसार, राखेप पदाधिकारी विहीन बनेको छ। नयाँ ऐनको व्यवस्थाअनुसार सदस्य सचिवका लागि तीन जनाको नाम सिफारिस गरिएको छ ।
निवर्तमान सदस्य सचिव रमेश सिलवाल सहित लिलबहादुर थापा र अञ्जु श्रेष्ठको नाम सिफारिस गरिएको छ । अर्थमन्त्री नेतृत्वको सिफारिस समिति लगानी बोर्डको सीईओका लागि तीन जनाको नाम सिफारिस गरिएको छ। मन्त्रिपरिषदको आज नियमित बैठक हो ।
वि.सं.२०७७ साउन १२ सोमवार १३:४६ मा प्रकाशित
