काठमाडौं । काठमाडौं उपत्यकामा दैनिक कोरोना संक्रमितको संख्या बढ्दै गएको छ । आज थप ५१ जनामा कोराना संक्रमण पुष्टि भएको छ । देशभर थप ४१८ जनामा कोरोना संक्रमण पुष्टि भएको छ । यससँगै नेपालमा कोरोना संक्रमितको संख्या २० हजार ७५० पुगेको छ ।
स्वास्थ्य तथा जनसङ्ख्या मन्त्रालयद्वारा आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा ४१८ जनामा कोरोना संक्रमण पुष्टि भएको जानकारी दिए ।
हालसम्म १४ हजार ९६१ जना कोरोनामुक्त भई डिस्चार्ज भएका छन् । पछिल्लो २४ घण्टामा ३५८ जना डिस्चार्ज भएको मन्त्रालयले जनाएको छ । प्रवक्ता डा गौतमका अनुसार १० हजार ४५२ जना क्वारेन्टिनमा छन् भने ५ हजार ७३२ जना आइसोलेशनमा रहेका छन् ।
वि.सं.२०७७ साउन १९ सोमवार १६:३१ मा प्रकाशित