काठमाडौं । मेगा बैंक लिमिटेडले मुद्दती निक्षेपमा दिने व्याजदर बढाएको छ । बैंकले मंगलबार एक सुचना जारी गर्दै आजदेखि नै लागू हुने गरि व्यक्तिगत मुद्दती निक्षेपको व्याजदर बढाएको हो ।
अहिले बैंकहरुले व्याजदर सम्बन्धी भद्र सहमति तोडेका छन्, त्यसपछि बैंकहरुले आफुखुसी नै व्याजदर निर्धारण गर्दै आएको छन् । सो शिलशिलामा मेगा बैंकले व्यक्तिगत मुद्दती निक्षेपमा ८.२५ प्रतिशत व्याजदर दिने घोषण गरेको छ ।
कम्तीमा ३ महिना वा त्यस भन्दा बढी समयका लागि पैसा राख्ने ग्राहकले यस्तो सुविधा पाउने छन् । मेगा बैंकले गत साउन ८ गते मात्र नयाँ व्याजदर सार्वजनिक गर्दै व्यक्तिगत मुद्दती निक्षेपमा ७.२५ प्रतिशत व्याजदर दिने बताएको थियो ।
तर, अहिले १ प्रतिशत विन्दुले व्याजदर बढाएर मेगा बैंकले नयाँ व्याजदर घोषणा गरेको छ ।
वि.सं.२०७७ साउन २० मंगलवार १३:४३ मा प्रकाशित