जनकपुरधाम । प्रदेश २ का आन्तरिक मामिला तथा कानुन मन्त्री ज्ञानेन्द्र कुमार यादवलाई कोरोना संक्रमण पुष्टि भएको छ ।
बुधवार साँझ आएको रिपोर्टमा मन्त्री यादवको कोरोना रिपोर्ट पोजेटिभ आएको सामाजिक विकास मन्त्रालय स्रोतले जनाएको छ। मन्त्री यादवलाई मधेस भवनमा रहेको निवासकै आइसोलेसनमा राखिएको छ ।
यस्तै उनकै मन्त्रालयका अन्य सात जनामा पनि कोरोना संक्रमण देखिएको छ। तिमध्ये एक ४२ वर्षीया महिला छिन । संक्रमित कर्मचारीहरु २८ देखि ५२ वर्ष उमेर समुहका छन्। संक्रमित कर्मचारीहरुको पद खुलाइएको छैन्।
उनीहरुको अवस्था सामान्य रहेको र सबै स्वास्थ्यकर्मीको सम्पर्कमा रहेको सामाजिक विकास मन्त्रालयका वरिष्ठ जनस्वास्थ्य प्रशासक डा. विजय झाले जानकारी दिए। यसअघि मुख्यमन्त्री तथा मन्त्रिपरिषदका ६ कर्मचारी र सामाजिक विकास मन्त्रालयका ३ कर्मचारीमा कोरोना पुष्टि भइसकेको छ।
वि.सं.२०७७ साउन २२ बिहीवार ०८:०५ मा प्रकाशित