कोरोनाको जोखिममा कर्मचारी, हाजिर गर्दै घर फर्कदै !

काठमाडौं । मन्त्रालयका कर्मचारीहरुमा कोरोना संक्रमण देखिएपछि प्रशासनिक कामकाज प्रभावित हुने क्रमले बिहीबार पनि निरन्तरता पाएको छ ।

संघ, प्रदेश र स्थानीय तहका कर्मचारीमा धमाधम कोरोना पोजेटिभ देखिन थालेपछि मन्त्रालयको सम्पूर्ण काम अवरुद्ध हुने क्रम व्यापक बन्दै गएको आजको नेपाल समाचार पत्रले खबर छापेको छ ।

बिहीबार अख्तियार दुरुपयोग अनुसन्धान आयोगका थप २२ जना कर्मचारीमा कोरोना संक्रमण पुष्टि भएपछि अख्तियारको सम्पूर्ण कामकाज प्रभावित रह्यो ।

मंगलबार १५ जना कर्मचारीमा कोरोना संक्रमण देखिएकोमा परीक्षणको दायरा बढाउँदै जाँदा बिहीबार थप २२ जनामा कोरोना देखिएको हो ।

काठमाडौं उपत्यका संक्रमितको संख्या बढ्दै गएपछि सेवाग्राही भीडभाड हुने यातायात कार्यालय, मालपोत कार्यालय, स्थानीय तह र वडा कार्यालयलगायतका कर्मचारीले असुरक्षित महसुस गर्ने गरेकाले सेवाप्रवाह प्रभावित बन्दै गएको छ ।

लकडाउन खुकुलो बनाएसँगै कोरोना महामारी नै बिर्सिने गरी यातायात कार्यालयमा मानिसको भीडभाड बढ्न थालेपछि अहिले लाइसेन्स दिने कार्य नै बन्द गरिएको छ ।

त्यसै गरी लकाडाउन खुकुलो बनाएदेखि अत्यधिक भीडभाड रहेको मालपोत कार्यालयका कर्मचारीले असुरक्षित महसुस गर्दै आएका छन् । अधिकांश कर्मचारी कोरोना जोखिम भन्दै हाजिर गरेर घर फर्किने गरेको पाइएको छ ।

२०७७ साउन २३ गते ०७:५३ मा प्रकाशित

You can share this post!

काठमाडौंका आठ जना कोरोना संक्रमित सम्पर्कमा आएनन्

काठमाडौंका आठ जना कोरोना संक्रमित सम्पर्कमा आएनन्

Related posts