काठमाडौँ । देशभर थप ३७८ जनामा कोरोना भाइरस संक्रमण पुष्टि भएको छ । यो सगै नेपालमा कुल संक्रमितको संख्या २२ हजार ५९२ पुगेको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा गराइएको जानकारी अनुसार आज सात हजार ७८८ पिसिआर परीक्षण भएकामा ३७८ जनामा संक्रमण पुष्टि भएको हो ।
मन्त्रालयका प्रवक्ता डा जागेश्वर गौतमका अनुसार हालसम्म ६ हजार २०६ जना आइसोलेशनमा छन् ।देशरभ क्वारेन्टिनमा रहेकाको सङ्ख्या १० हजार ७९२ रहेको छ ।
त्यसैगरी पछिल्लो २४ घण्टामा ४९९ जना उपचारपछि निको भएका छन् । नेपालमा हालसम्म कोरोना सङ्क्रमणमुक्त भएर घर फर्कनेको ङ्ख्या १६ हजार ३१३ जना रहेको मन्त्रालयका प्रवक्ता डा गौतमले बताए । योसँगै कोरोना सङ्क्रमणबाट मृत्यु हुनेको सङ्ख्या ७३ पुगेको मन्त्रालयले जनाएको छ ।
वि.सं.२०७७ साउन २४ शनिवार १६:३२ मा प्रकाशित
