काठमाडौं । साताको पहिलो कारोबार दिन आइतवार शेयर बजार ११ दशमलव ३० अंकले बढेको छ । शून्य दशमलव ८२ प्रतिशत बढेर शेयर बजार १ हजार ३९२ दशमलव ६८ विन्दुमा पुगेको हो ।
गत साता एक दिन मात्र बढेर निरन्तर घटेको बजार यो साता भने पहिलो दिनमै बढेको छ । आइतवार अघिको कारोबार दिन बिहीवार शेयर बजार १ हजार ३८१ दशमलव ३७ विन्दुमा बन्द भएको थियो ।
१ हजार ३८३ दशमलव ९९ विन्दुदेखि खुलेको बजार १ हजार ३६३ दशमलव २१ विन्दुसम्म घटेको थियो । आइतवार नेप्सेले ११ बजेर २७ मिनेटमा न्यून विन्दु कायम गरेको थियो ।
बढेको बजारमा रू. ९१ करोड १६ लाख ४० हजार बराबरको शेयर कारोबार भएको छ । १८७ कम्पनीको २९ हजार ४३ पटकको व्यापारमा उक्त रकम बराबरको ३० लाख ३० हजार ३३१ कित्ता शेयर कारोबार भएको हो ।
वि.सं.२०७७ साउन २५ आइतवार १५:४४ मा प्रकाशित